Impetteng ni President Ferdinand Marcos Jr. nga awan ti “bad blood” iti nagbaetanda kenni sigud nga executive secretary Lucas Bersamin, kalpasan ti panagikkat daytoy iti gabinete.
Sigun kenni President Marcos Jr., nasayaat ti panagsaritada kenni Bersamin ken maawatanda ti tunggal maysa.
Immuna metten a kinuna ni Bersamin a nagsaritada kenni presidente iti aldaw nga impakaammo ti Malacanang ti panaglusulosna iti pwesto.
Kabayatanna, inlawlawag ni President Marcos Jr. ti panaglusulos iti pwesto ni sigud a Department of Budget and Management (DBM) secretary Amenah Pangandaman.
Sigun iti Presidente, nag-resign ni Pangandaman tapno saan a masuspetsa nga impluensianna ti aniaman nga imbestigasyon iti flood control irregularities, kalpasan a nairaman ti nagan daytoy.
Inlawlawag ni President Marcos Jr. a maliklikan ti isyu nga impluensiaan ni Pangandaman ti imbestigasion no saanen a karaman iti gobierno.
