BAGUIO CITY – Agsagsagana ti Baguio City Police Office Station 7 ti manamnama a panagadu dagiti tattao kagiddan ti pannakaobserbar ti Undas iti central business district area iti siudad ti Baguio.
Sigun kenni Police Major Ergie Wanawan, station commander ti BCPO S7, nu man pay awan ti sementeryo a masakupan dagitoy ngem manmanama ti panagadu dagiti tattao iti CBD nu malpas ti panagbisitada iti sementeryo.
Impeksana a nakasagana metlaengen ti pulisya nangruna iti pannaka-deply dagiti anti-pickpocket.
Innayun ti opisyal a maysa kadagiti bambantayanda ti insidente ti pickpocketing.
Kagiddan iti dayta, agpalpalagip ti opisyal kadagiti motorista nga agbalon iti pasensya agsipudta daytoy ti kadawyan a rason nga adda ti mapaspasamak a vehicular traffic accident.
Sigun kenni Pmaj Wanawan, nu man pay bimmaba ti vehicular traffic accident, naobserbaranda nga in-inut ti panagngato daytoy.
Maibasar iti datos idi napalabas a tawen, nairekord ti 312 a kaso ti Vehicular Traffic Accident (VTA) no sadino, nangatngato no idilig iti 231 a nailista iti bulan ti Enero agingga Setiembre iti agdama a tawen.
Rumrumwar a ti kadakkelan a rason ti VTA ket ti human error.
Kabayatanna, naobserbaran dagiti otoridad a kadawyan a pakapaspasamakan ti aksidente ket sadiay Harrisson, Azcko ken Governor pack road.//Bombo Noveh Organo
