Impetteng ti nagduduma a main stream media ken sumagmamano nga ahensiya iti gobierno a saan dagitoy nga agar-aramat iti artificial intelligence kadagiti panagaramida iti report.
Nadakamat ti nasao a pakaseknan kagiddan ti maob-obserbaran a panagraira iti nagduduma nga artificial intelligence wenno AI kadagiti websites wenno social media platforms a maysa a makitkita a rason iti panagwars iti fake news wenno misinformation.
Sigun kenni Erickson Rico John Ferrer, presidente iti Kapisanan ng mga Brodkaster ng Pilipinas, ti AI ket maysa laeng nga instrumento para kadagiti mainmedia stream iti negosyo dagitoy.
Inlawlawagna a saan a mapukaw iti broadcast media ti human touch wenno human emotions dagiti agdengdengngeg.
Impettengna a saan a maar-aramat ti AI iti Radyo wenno telebisyon gapu ta regulated daytoy iti rules and regulations iti KBP code of ethics.
Mainaig iti dayta, dinakamatna a nupay mabil-bilang kas instrumento iti AI, makaammo ti tao a mangcontrol nu anya ti pagtar-tarayan wenno nilaon iti maysa a balita.
Gapu iti dayta,makitkita a kasapulan ti paglintegan para iti AI tapno makontrol ti panagaramat iti daytoy.
Iti sabali a bangir, impeksa met ni Albert Mogol, Regional Director iti Office of the Civil Defense-Cordillera a dakkel a katulunganda ti AI iti panag-analisada kadagiti datos.//Bombo Noveh Organo
