BAGUIO CITY- Maguyguyugoy ti panagaramat dagiti umili ti siudad ti Baguio iti doble a facemask tapno masalwadan dagitoy kontra iti COVID-19 ken ti delata variant.
Sigun kenni City Health Assistant Officer Dr. Celia Flor Brilliantes, napinpintas no agaramat dagiti umili ti doble a facemask tapno maliklikan ti pannakaiyakar ti sakit.
Kinunana nga iti kanito nga agaramatda ti cloth mask ket nasken nga adda metlaeng ti surgical mask nga aramatenda.
Innayunna a babaen iti daytoy ket maprotektaranda kontra iti sakit nangnangruna kadagiti closed areas kas iti pagtrabtrabahuanda ken dadduma pay.
Inayonna a napateg daytoy nga ikonsidera kas kanayunan nga proteksion nangruna ta nalaka a maiyakar ti napeggad nga delta variant.