Inlawlawag ni Philippine National Police Spokesperson Police Brigadier General Randulf Tuaño a saanda makitkita nga adda iti malabsing a paglintegan nu agaramat dagiti raliyista iti maskara iti maipatungpal a tignay-protesta inton September 21 mainaig paylaeng iti isyu iti korapsyon iti pagilian.
Sigun kenni Tuaño,ti laeng panangitugot iti armas,natatadem a kagawaan ken dagiti banag a maaramat para iti bandalismo ti maiparparit kadagiti tignay-protesta iti pagilian nu ibasar daytoy iti nakalanad iti Batas Pambansa Bilang 880.
Ti panangilawlwag ti opisyal iti daytoy ket mainaig iti naituding a panakaipatungpal iti dakkel a protesta nu sadino, dagiti makipaset iti daytoy ket agaramat iti maskara kas panangipakitada iti panangkondenarda iti korapsyon a mapaspasamak iti pagilian a Pilipinas.
Kabayatanna,maibasar iti datos iti PNP, addan iti uppat a grupo a nakaala kadagiti kaskenan a permit para iti ipatungpalda a tignay-protesta.
Malaksid ti dayta, lima met a grupo idiay Metro Manila ti nakaala iti permit para iti panagprotestada ita nga aldaw.
