BAGUIO CITY – Mabalinen a tiliwen ti Baguio City Police Office dagiti indibidual nga agar-aramat ti sirens, blinkers ken kapada a gadget no awan ti otorisasion dagitoy.
Masaruno daytoy ti direktiba ti mayor a tiliwen ken ireport ti BCPO dagiti saan nga otorisado nga indibidual nga agar-aramat kadagiti nasao a banag a makaistorbo iti naulimek nga aglawlaw.
Ti saan nga otorisado a panagaramat ti siren, bell, horn, whistle, blinkers, domelight ken daduma pay a signaling ken flashing gadgets ket mailabsing iti Presidential Decree No. 96 series of 1973.
Palubosan laeng ti nasao a linteg ti panagaramat kadagitoy a gadgets iti official vehicles ti Armed Forces of the Philippines, NBI, PNP, Land Transportation Commission, BFP ken ambulansia nangruna no adda ti emerhensia.
