BAGUIO CITY – Al-allukoyen ti Baguio Visitor Information office dagiti bisita wenno turista nga usarenda ti Baguio Visita website tapnu makitada dagiti lehitimo a transient houses ken accomodation a pagdagusanda iti Baguio City.
Sigun kenni Chad Dizon, Baguio Tourism Staff ti Visitors Information Office ti burnham park, makita iti nasao a website dagiti lehitmo a hotels ken inns a mabalin a pagyanan dagiti turista.
Kinunana a naaramid daytoy tapnu maliklikan ti pannaka-scam dagiti turista.
Malaksid iti dayta, mabalin pay nga agtawag dagiti turista iti 24/7 a hotline dagitoy (09602009679) nu adda ti pakaseknanda.
Mainaig iti daytoy, dinakamat ni Hope Ramos, Administrative Assistant Visitors Information Center ti Burnham Park, addan ti narisutda a pakaseknan dagiti turista manipud Tarlac.
Maipapan daytoy iti placard boy a saan a nasayaat ti pannakisaritana kadagiti bisita kalpasan a nagtawar dagitoy gapu ta manginaanda ti abang.//Razced Pagoli
