Manamnama nga agaramat ti Philippine National Police iti AI-enabled body-worn cameras.
Daytoy ket kalpasan nga inwaragawag ni Local Government Secretary Jonvic Remulla a gumatang ti Department of the Interior and Local Government iti AI-enabled body-worn cameras para iti Philippine National Police.
Sigun kenni Remulla, nag-order ti DILG iti kanayunan nga AI-capable ken resposive and body camera system.
Daytoy ti sungbat ni Remulla kalpasan a kinuwestionaran ti Kabataan Party-list Rep. Renee Co seknan iti operational status ti agdama a body-worn camera system.
Inlawlawag ti DILG Secretary a kurang ti kapasidadda agsipudta saanen a maar-aramat dagiti body-worn cameras nga adda kadakuada.
Innayonna a dagiti daan a kamera ket addaan iti resolusion a 1 mega pixel ken saan a maitunos iti pagalagadan.
Iti agdama, addaan iti 2,000 a units ti PNP para iti 320,000 a pulis bayat a kitkitaen ti DILG ti pannakaileppas ti panaggatang ti baru nga AI-enabled body-worn cameras ita a tawen.