Idagdagadag ti Philippine Institute of Volcanology and Seismology (PHIVOLCS) iti tunggal pamilya a Pilipino nga agaramid iti bukod a panagsagana para iti ginggined, kalpasan ti magnitude 7.8 a ginggined idiay Mindanao.
Sigun kenni PHIVOLCS director Teresito Bacolcol, rumbeng nga adda ti plano dagiti pamilia no mapasamak ti ginggined kas iti panagplano no anya ti launen ti go-bag dagitoy ken dadduma pay.
Innayonna a no maipapan iti panagsagana, masapul a siguraduen ti publiko a dagiti balbalay ken dadduma pay nga imprastruktura ket maitunos iti minimum engineering standards.
Inyunay-unay ni Bacolcol a ti panagsagana iti nasao a didigra ket para iti amin ken saan laeng a para iti Office of Civil Defese ken dadduma a maseknan nga ahensiya.
Kabayatanna, nagaramid ti PHIVOLCS iti “How Safe is My House” app a mabalin nga usaren a mangtingiting iti earthquake vulnerability ti maysa agingga iti dua a kadsaaran a concrete hollow block residential building.
