--Ads--
BAGUIO CITY – Agtultuloy ti panangawat ti Municipal Tourism Office ti Itogon, Benguet kadagiti agtarigagay a makipaset iti maipatungpal a Mt. Ugo Summer Climb sadiay Barangay Tinongdan inton Marso 31 agingga April 2.
Sigun kenni Nestor Camado Jr., Municipal Tourism Action Officer, mabalin nga agaplikar wenno agparehistro dagiti kayatna ti makipaset iti summer climb iti opisyal a website ti Barangay Tinongdan wenno personal nga agturong dagitoy iti Itogon Municipal Tourism Office.
Kinunana a kadagiti agtarigagay a makipaset ket adda ti P2,000 a registration fee ken iti agdama ket duapulo ket lima pay laeng dagiti nagparehistro.
Kinunana nga accessible itan ti panagturong iti nasao a bantay gaputa natarimaan ti kalsada iti nasao a barangay.
