--Ads--
BAGUIO CITY – Naragsakan dagiti transport sector iti Baguio-Benguet iti panagbaba manen ti presyo ti produkto a petrolyo mangrugi ita nga aldaw.
Nupay kasta, impetteng ni Wilson Bumay-et Jr, Federation President ti Jeepney Association iti Baguio-Benguet, nasaysayaat koma nu maisubli ti sigud a presyo ti petrolyo tapno maisubli met ti sigud a plete dagiti commuters.
Impettengna a dagiti pasahero ti marigatan nangruna dagiti estudyante nu saan a maisubli ti sigud a presyo ti petrolyo gaputa dakkel ti ngimminaan ti plete iti agdama.
Sigun kenni Bumay-et, P11.00 ti plete iti tunggal uppat a kilometro ngem adda ti diskwento para kadagiti estudyante, senior citizen ken persons with disability.