BAGUIO CITY – Saan nga ninamnama ni 2LT. Kevin John Pastrana nga agbalin daytoy kas Rank 2 wenno Salutatorian ti PMA Bagsik-Diwa Class of 2022.
Iti interview ti Bombo Radyo Baguio iti tubo ti Irisan, baguio City, kinunana nga adu pay dagiti kapadana a kadete a maikari iti uneg ti akademya isunga inaramidna ti kabaelanna kas maysa nga kadete.
Nagbalin met nga kari kenkuana ti panagbaliw ti biagna kas maysa nga sibilyan ken agbalin nga kameng ti military force a dagusna met a naadal gapu iti panggepna nga agserbi iti pagilian.
Agserbi nga armasna met iti panagruarna iti akademya dagiti adal ken kapadasanna iti las-ud ti 4 a panagadalna iti uneg ti PMA.
Guyguyuguyenna met dagiti agtutubo nga agbalin a nasirib nga indibidual ken kanayun a nakasagana nga agserbi iti pagilian babaen dagiti simple nga aramid iti pada nga tao wenno komunidad.
Kinaritna pay dagitoy nga aramidenda amin ti kabaelanda iti aniamn a propesyon nga pilien dagitoy tapnu agserbi iti pagilian.
Kabayatanna, naragsakan nga imbinglay ti retirado a suldado nga Lolo ni 2LT. Pastrana, nga daytoy ti apokoda nga umuna ken kakaisuna a nagturpos iti PMA.
Sigun kenkuana, saanda nga ninamnama nga agadal iti akademya ngem ginuyuguyda nga ipapatina iti aniaman nga potensyal a propesyon a turongen daytoy.
Dagiti nagannak ni 2LT. Kevin John Pastrana ket tubo ti Iloko, Sadaga Mt Province ken Iloilo.CD
