Impeksa ni Vice President Sara Duterte ti kinapateg ti panagbalin a natured, ti panagayat iti kaaruba ken ti panangaramid iti nasayaat a banag para iti pagilian kagiddan ti panakarambak ti National Heroes Day.
Sigun kenni Duterte, nasken nga itandudo dagiti Pilipino ti prinsipyo ti pagilian, ti panagbalin a “good citizens.”
Impeksana met ti panaglagip kadagiti bannuar ti pagilian a nangisakripisyo iti biyagda tapno mawayawayaan ti Pilipinas manipud kadagiti mananakop.
Mangnamnama pay ti bise presidente a babaen ti panangkita iti pakasaritaan iti pagilian ket makaadal ti tunggal maysa iti leksyon kas iti panakaadda iti determinasyon, kinatured ken panagserbi iti Pilipinas.
Kabayatanna, inyunay-unay ni Duterte ti kinapateg ti panagregget tapno agbalin a ti pagilian a Pilipinas ket nawaya, nabaknang ken natalna.
