BAGUIO CITY- Manarimaan iti pannakaimplementar dagiti rekomendasyon ti sektor ti Persons with Disability (PWD) para iti panagbalin dagiti sidewalks ditoy Baguio City a PWD-friendly.
Sigun ken City Administrator Bonifacio Dela Peña, kabinnadangda ti Dept. of Public Works and Highways (DPWH) iti pannakaipatungpal dagiti suhestiyon ti nadakamat a sektor partikular iti pannakaikkat kadagiti obstruction kadagiti kalsada, pannakaimuntar ti ad-ado pay a cut-out curbs, railings ken ramps.
Kabayatanna, manarimaan metlaengen iti pannakadisenyo ti audio visual aids para iti panagballasiw dagitoy kadagiti kalsada a karaman kadagiti uppat a rekomendasyon ti grupo.
Mainaig iti dayta, inikkaten ti City Engineering Office ken DPWH dagiti tactile a naimuntar kadagiti sloping ken skiddy area para iti nataltalged a pedestrians kadagiti PWDs kasaruno paylaeng iti reklamo a naawatda mainaig iti peggad nga itunda dagiti nagalis a tactile.
