BAGUIO CITY – Puntirya ni Benguet Caretaker Congressman Eric Go Yap a mabigbig ti probinsiya ti Benguet kas most developed Province iti entero a pagilian.
Babaen daytoy iti agtultuloy a pannakaiyemplementar ti nagduduma a proyekto iti probinsya pakairamanan ti manarimaan a rehabilistasyon ti Wangal Sports Complex.
Sigun iti kongresista, karkaro pay a mapapintas ti performance dagiti atleta iti mapadakkel nga istruktura a makaakomodar iti ad-addo pay nga atleta ken bisita ken posible pay a nga agserbi kas hostti probinsia iti palarong pambansa.
Imbinglayna a panggepna a makikoordinar iti Phililippine Basketball Association (PBA) tapnu maguyugoy dagitoy a mangisayangkat kadagiti ay-ayamda sadiay Wangal Sports Complex iti kanito a maileppas ti rehabilitasyon daytoy.
Dinakamat pay ti opisyal a kangrunaan a maitulong ti nasao a pagay-ayaman ket maguyugoy dagiti agtutubo a makipaset kadagiti ay-ayam tapnu maiyadayoda iti nagduduma a bisyo.
