--Ads--
BAGUIO CITY – Mapangpanggep ti panagbalin ti Benguet Electric Cooperative (BENECO) kas regular stock cooperative.
Sigun kenni BENECO general manager Gerry Verzosa, daytoy ket tapno maprotektaran ti ownership dagiti member-consumers ti kooperatiba.
Inlawlawagna a babaen iti daytoy ket maliklikan ti panang-agaw dagiti private power developers iti kooperatiba.
Kinunana nga addan dagiti dadduma a kooperatiba iti pagilian a naipasidong iti bileg dagiti pribado a power developers.
Kinanunungan met dagiti miembro ti kooperatiba ti panagparehistro ti BENECO iti Cooperative Development Authority.
