--Ads--
BAGUIO CITY – Panggep ti lokal a gobyerno ti Baguio a pagbalinen a tourist destination ti merkado publiko.
Segun kenni Councilor Leandro Yangot, kasapulan a mapapintas ti merkado publiko tapnu makapasa daytoy iti international standards.
Malaksid iti daytoy, panggepda metlaeng a maaddaan iti color coding sadiay.
Nupay kasta, kinunana a kasapulanda ti tulong manipud kadagiti stakeholders para iti panagballigi ti nasao a panggep.
Kinunana met a kasaritada metlaeng dagiti komboy wenno porters sadiay tapnu agbalin dagitoy a ‘green and clean advocates’ ken ‘peace officers’ tapnu dagitoy ti mangkemmeg kadagiti mannibrong.
