Impasigurado iti Mines and Geosciences Bureau Cordillera (MGB-CAR) ti agtultuloy a panagbantayda iti operasion kadagiti Minahang Bayan (MB) iti rehion Cordillera.
Sigun kenni MGB-CAR legal officer Atty. Ma. Desiree Zan Lud-ayen, nangbukel iti monitoring teams kadua ti nagduduma a lokal a gobierno ken dadduma pay nga ahensia tapno maipasigurado ti panagsurot iti environmental ken mining regulations.
Sumagmamanon a kaso ti naipila kontra iti illegal mining, ken addan dagiti operasion ti napasardeng.
Mangnamnama ti Mines and Geosciences Bureau Cordillera a makessayan ti iligal a panagmina babaen iti bileg iti baro a pagalagadan a mangipapaay iti interim permits iti small-scale miners, kasukat iti panangsurot kadagiti pagalagadan.
Iti agdama, dumanon iti 15 a Minahang Bayan ti nailista iti Cordillera, bayat nga adda dagiti dadduma ti naitantan paylaeng ti aplikasyonda.
