--Ads--
BAGUIO CITY – Kinanselar ti lokal a gobierno ti Baguio City ti panakaisayangakt ti Baguio Flower Festival wenno Panagbenga a naituding inton sumaruno a bulan ti Pebrero.
Sigun kenni City Administrator Engr. Bonifacio Dela Peña, gapu daytoy iti pangta ti baro a variant ti COVID-19 a nakastreken ditoy pagilian.
Kinunana nga iti agdama ket awan ti rason tapnu maituloy ti festival ken awan ti nalawag a detalye no maituloy daytoy wenno saan.
Dinakamatna metlaeng nga imparangen ti Baguio Flower Festival Foundation, Incorporated dagiti aktibidad a maipatungpal kuma iti Panagbenga 2021.
Immunan a naiwaragawag a maituloy ti panakarambak ti Panagbenga ita a tawen nupay limitado dagiti maisayangkat kuma nga aktibidad.
