Impannakel ni Baguio City Mayor Benjamin Magalong ti Panagbenga Festival kas pakabigbigan ti City of Pines.
Bayat ti pannaritana iti naipatungpal a Grand Opening Parade ti Panagbenga Festival 2025, nakunana a ti nasao a festival ket mangipakpakita iti naisangsangayan a kultura iti siyudad ti Baguio.
Kas iti tema ita a blossoms beyond boundaries, ti tunggal a tawen a pannakaselebrar ti Panagbenga Festival ket mangipakpakita iti kinarang-ay, komunidad ken pigsa ti nasao a festival.
Innayon pay ni Mayor Magalong a kas iti sabong a mabalin nga agtubo iti sadinoman, ti Panagbenga Festival ket selebrasyon para iti tradisyon iti siyudad ti Baguio ken napintas daytoy nga ibinglay kadagiti bisita.//Bombo Genzel Depayso