BAGUIO CITY – Maiyusuaten ti Panagbenga wenno ti Baguio Flower Festival 2018 inton December 18 ti agdama a tawen.
Sigun kenni Mayor Mauricio Domogan, maipimpinal paylaeng ti tema a maaramat iti nasao a festibidad a maangay iti entero a bulan ti Pebrero 2018.
Kinunana a maad-adal met ti panakaipangato ti premyo dagiti makipaset iti grand street dance ken grand float parade.
Impalawagna a daytoy ket gaputa adda dagiti maimbitaran manipud iti dadduma a lugar para iti panakipasetda kadagiti nasao a kompetisyon.
Kagiddan iti daytoy, imbilin ti mayor ti detalyado a kumpyutasyon ti pondo, sponsorships ken dagiti magastos para iti Panagbenga 2018.
Manamnama a daywen dagiti turista manipud iti uneg ken ruar ti pagilian ti Panagbenga into sumaruno a tawen.
