--Ads--
BAGUIO CITY – Manayunan ti bilang dagiti bus nga agbiahe paturong ditoy siudad ti Baguio inton Pebrero 23 gapu iti panakarambak ti Panagbenga.
Sigun iti maysa a bus company sadiay Governor Pack Road, iti nasao nga aldaw ket manayunan iti 30 ti bus dagitoy manipud iti agdama a bilang a 51.
Malaksid iti daytoy ket posible nga agbalin met a lima laeng a minutos ti interval ti panagbiahe dagitoy.
Maipalagip nga iti nasao nga aldaw ket mangrugi manen nga umado ti bilang dagiti turista a sumang-at ditoy siudad gapu iti Grand Street Dance Parake ken ti Grand Float parade.
