![](https://img.bomboradyo.com/baguio/2021/09/contact-tracing-2.jpg)
BAGUIO CITY- Agtultuloy ti panagbiruk ti lokal a gobyerno ti Baguio kadagiti wagas tapnu mapasayaat ken agbalin pay a mas epektibo ti disaster management efforts ti siudad.
Sigun kenni Mayor Benjamin Magalong, ti siudad ket recipient ti ASEAN Smart City Flood Early Warning System ken nabigbig kas partner ken study site ti sumagmamano a science-based researches nga idadauluan ti Department of Science and Technology ken ti academe.
Dinakamatna a karaman kadagiti nasao a panagsirarak ti aquifer recharge system, Smart City Development System ken Seismic Stratigraphy Mapping.
Kinunana nga agsagsagana ti siudad para iti panakaberipikar ti climate and disaster risk assessment ti lokal a gobyerno iti panakibinnadang dagiti climate change and disaster risk specialists iti academe ken pribado a sektor.
Innayonna a gumatang ti siudad iti life locator equipment nga aggatad ti P10-M tapnu maipasigurado a nakasagan ti Baguio iti aniaman a post-disaster events.
Gumatgatang pay ti siudad iti Air Anenometer a maaramat iti panakarukod ti air circulation kadagiti espasyo nga awanan ti pagruaran ti angin kadagiti business establishments ken industrial sites iti masakupan ti Baguio.