Nangipatungpal ti inspection ni DPWH Secretary Vince Dizon kadagiti lugar nga apektado iti naglabas a bagyo ken habagat iti probinsya ti Benguet.
Immuna nga ininspectna ti situation iti Benguet-Nueva Vizcaya Road, Beckel-Lamut Road, La Trinidad, Benguet a na-washout gapu iti habagat.
Kabayatanna, sigun kenni Victoria Sib-aten, maysa kadagiti residente ti Beckel, La Trinidad, Benguet, dakkel ti epektona kadakuada a residente ti pannakadadael ti nasao a kalsada’ manipud kadagiti studyante nga apektado ti oras a panagserrek, kasta metlaeng dagiti empleyado karaman metlaeng dagiti negosyo dagitoy.
Pagdandanagan metlaeng dagitoy nu kas bilang adda dagiti emegencies a mapasamak no sadinno kasapulan paylaeng nga agliklikaw aramat ti altenatibo a dalan.
Inlawlawag ni Sib-aten a ti nadadael a kalsada ket pagpagnaan metlaeng dagiti magapu iti Munispyo ti Bokod, Kabayan ken iti Probinsya ti Nueva-Viscaya.
Innayun pay daytoy nga idi damu ket adu dagiti bumisbisita sadiay ngem ita ta nadadael ti kalsada ken kasapulan paylaeng ti agre-route bimmasit daytuyen.
Kinunana pay a matatrrafic metlaeng ti maar-aramat ita nga alternatibo a kalsada.
Immuna metten nga impeksa daytoy a nabayagen a na-ininut a nag-erode ti kalsada no sadinno napansin laeng daytoy idi adda ti pimmisay a menor-de -edad
Agyamyaman met daytoy iti panagbisita ni DPWH Secretary Dizon gapu ta babaen ti panagbisita daytoy ket adadda a mapapartak ti pannakaisimpa ti kalsada
Kabayatanna, sigun kenni DPWH Secretary Dizon, double crib wall ti maiyaramid sadiay no sadinno posible nga agpaut ti pannakatarimaan daytoy iti sangapulo a bulan.
Impeksa met daytoy nga iti Rehiyon Cordillera, dumanen iti 3 billion ti gatad ti nadadael nga imprastraktura a nasken metlaeng a mapondoan.//via Bombo NOveh Organo