Kinumpirmar ti opisina ti bise presidente a nagbyahe laeng ni Undersecretary Zuleika Lopez iti dadduma a pagilian para iti pang-personal daytoy ken saan daytoy a mainaig iti trabahona.
Sigun iti nasao nga opisina, nagtravel ni Lopez iti dadduma a pagilian idi Nobyembre kwarto ken agbayag daytoy agingga inton Nobyembre dise sais.
Naipakaammo met nga inaprobaran daytoy ni Vice President Sara Duterte.
Gapu iti dayta, immunan metten a nangipaulog ti house panel iti subpoena ad testificandum kenni Lopez kaduana dagiti innem pay nga opisyal manipud iti opisina ti bise presidente gapu iti saanda pannakipaset iti imbestigasyon seknan iti mapapati a pannakausar ti confidential funds dagitoy.
Impakaammo pay dagiti maseknan nga otoridad nga iti kanito a saan manen dagitoy a makipaset iti hearing ket posible a ma-cited in contempt dagitoy.
