Nangrugin ti panagdalus ti publiko kadagiti tanem ti ay-ayatenda iti Baguio City Public Cemetry ita nga aldaw kas panagsagana iti umadanin nga All Souls Day ken Alls Saints Day ken agleppas inton Oktubre a trenta iti agdama a tawen.
Addan met dagiti sumagmamano nga indibidual a nagturong iti daytoy para iti panagdalusda.
Iti panagturong ti publiko iti Baguio City Public Cemetry, maipalpalagip a maiparit ti panangitugot kadagiti repairing tools kasta ken daduma pay a tools a kas iti martilyo.
Malaksid iti dayta, saan met laeng a mabalin a maipastrek dagiti lugan iti uneg iti sementeryo ngem mabalin dagiti motor.
Naituding nga iti oras nga alas kwatro ti agsapa agingga alas dies ti rabii ti visitation bayat nga iti oras ti alas sais ti agsapa agingga alas sais iti sardam ti panagdalus kadagiti tanem.
Kabayatanna, dumanon iti P200 agingga P3-K ti rate para iti panakadalus dagiti tanem bayat nga iti panakapintura ti maysa a tanem ket P1-K ken iti museo ket P5-K agingga 7-K.
Maiyunay-unay met iti publiko a sapsapaen dagitoy nga agdalus kadagiti tanem dagiti ay-ayatenda iti biag tapno maliklikan ti overcrowded iti uneg ti nasao a sementeryo inton Nobyembre a uno ken a dos.
Iti sabali a bangir, nakasagana ti Baguio City Police Office para iti panangimanehar iti traffic congestion iti kanito a madanun ti pananglagip iti All Souls Day ken Alls Saints Day.
