BAGUIO CITY| Maiyaw-awis ti panagturong dagiti umili ti Benguet sadiay CCDC Gymnasium inton Abril 27 ken Abril 29 alauna ti malem.
Maipatungpal iti nasao a venue ti “Tongtongan Di Masakbayan 2022” nu sadino ibinsa-binsa dagiti kandidato iti kina-gobernador ken kina-kongresista dagiti plataporma dagitoy iti nagduduma a sektor para iti panagdur-as ti probinsia.
Immunan nga imbinsa-binsa dagiti kandidato iti kina-gobernador ti platapormada para iti Benguet idi kalman iti nasao metlaeng a venue.
Malaksid iti Tongtongan Di Masakbayan 2022, maipatungpal metlaeng ti voter’s education ken demonstration seknan iti panagaramat ti Electronic Voting Machine babaen iti COMELEC-Benguet.
Maipabuya met ti nasao nga aktibidad iti Facebook Page ti CCDC ken PIA-Benguet para kadagiti umili a saan a makapan iti nasao a venue.
