--Ads--
Posible nga agrugi inton Hunio ti panagdengngeg iti impeachment complaint kontra kenni Vice President Sara Duterte, uray pay no ag-convene ti Senado kas impeachment court.
Sigun kenni Senate President Pro Tempore Panfilo “Ping” Lacson, kasapulan paylaeng ti saan a bumaba iti tallo a lawas a panagsagana sakbay nga umabante ti trial.
Innayonna a karaman kadagiti proseso ti panangipatulod iti summons, panangawat iti sungbat ti depensa, ken panangisayangkat iti preliminary conference wenno pre-trial tapno malawlawagan dagiti isyu a mapagsasaritaan ken dadduma pay.
Impaganetget pay ti senador ti kinapateg ti nasapa a pre-trial tapno maliklikan ti pannakariro, kas iti napasamak iti impeachment trial ni sigud a Chief Justice Renato Corana.
