Agtultuloy latta ti panagdinggeg para iti piansa iti dua a kaso ti human trafficking a naipila kontra kenni Kingdom of Jesus Christ (KOJC) leader Pastor Apollo Quiboloy iti Pasig Regional Trial Court Branch 159.
Nagpa-cross examination manen ni Alias Amanda, ti nagreklamo, kenni Atty Israel Torreon, legal counsel ni Quiboloy.
Sigun kenni Torreon, ti cross examination ket nagbayag ti dandani uppat nga oras.
Inakusaran ni Alias Amanda ni Quiboloy iti forced labor ken sexual exploitation.
Nakipaset met manen ni Quiboloy iti panagdinggeg babaen iti video conferencing.
Kabayatanna, dagiti kakadua ni Quiboloy a kas da Cresente Canada, Ingrid Canada, Sylvia Cemane, Paulene Canada ken Jackielyn Roy ket nakipaset mismo iti panagdinggeg.
Nangisubmitir metlaeng ti kampo ni Quiboloy iti pammalawag seknan iti pre-recorded message ni Quiboloy a naipabuya kadagiti mangsupsuporta kenkuana, ken naipablaak iti social media itay laeng nabiit.
Ti pre-recorded video ket naipadinggeg idi Pebrero a nuebe iti agdama a tawen iti panagtitipon ken prayer service dagiti kameng ti Kingdom of Jesus Christ.
Sigun kenni Torreon, saan kuma a maipabuya ti video, ngem naaddaanda ti miscommunication, ken kinunana a dimmawatda met iti dispensar manipod iti korte.
Namnamaen pay ti kampo ni Quiboloy a maipaaydan ti gundaway a makairekord ti mensahe, saan laeng nga idiay Iloilo nu diket puntiriada ti amin a lugar para iti panagkampaniada.
Kabayatanna, ti sumaruno a panagdinggeg ket naituding inton Pebrero 28, Marso 13, 14, ken 21.
