BAGUIO CITY – Naobserbaran a saan unay a mapagparparikutan iti panaglabsing iti human rights ditoy rehiyon Cordillera ita a tawen
Sigun ken Human Rights Cordillera Regional Director Atty. Romel Dagimol, saan a nakaru ti human rights violation ditoy rehiyon nu idilig kadagiti daduma a rehiyon ditoy pagilyan
Nupay kasta, kinuna na a nasken latta a maadalan dagiti umili ti rehiyon mainaig kadagiti karbenganda nangruna kadagiti adda iti vulnerable sector kas kadagiti babbai ken Indegenous People’s tapnu saanda nga agbalin a biktima
Dinakamatna a kadawyan a maaw awatda a report mainaig iti panaglabsing iti karbengan ti tao iti right to self determination wenno panakabigbig dagiti IP’s nangruna kadagiti saan a malapdan a pananggamgam dagiti pribado a kumpanya kadagiti properties dagitoy.
Malaksid iti dayta, nakailistada pay iti report mainaig iti panag abuso kadagiti human right defenders ken advocates.
Kagiddan iti dayta, impettengna a kasapulan ti panagtitinnulong tapnu malapdan dagiti human rights violations ken saan a maipada ti Cordillera kadagiti daduma a lugar iti pagilyan.
