BAGUIO CITY – Nangrugin ti panaglako dagiti agarup 120 a cutflower ken candle vendors kadagiti stalls iti paset ti Km.5 parking area sadiay La Trinidad, Benguet para iti Aldaw dagiti Minatay.
Sigun kenni Mayor Romeo Salda, maipalubos ti panaglako dagiti vendors manipod iti La Trinidad Cutflower Growers Association iti nadakamat a pasdek manipod Oktubre 15 agingga 28, 2020.
Kinunana a ti panangipalubos kadagitoy ket paset ti initiatibo ti lokal a munisipyo a tumulong kadagiti naapektaran a vendors.
Sigun met kenni Andy Colte, presidente ti nasao a grupo, umdas ti supply dagiti lokal a sabong agingga iti aldaw dagiti minatay.
Mangrugi mailukat dagiti stalls iti alas otso ti agsapa ken nakadependar ti closing hours dagitoy iti bilang dagiti gumatgatang ngem nasken a masurot ti curfew hours nga impaulog ti munisipyo.
