Agtultuloy latta ti panagmonitor dagiti kameng ti Baguio City Police Office (BCPO), barangay officials ken dagiti residente nga asideg iti City Camp lagoon tapno maipasigurado a saan a mapullatan daytoy ken mapasamak ti panaglayos.
Kasaruno ti inwaragawag ti DOST-PAGASA a posible a mapasaran ti napigsa a tudo gapu iti mabanbantayan a tropical storm a ni Carina.
Kabayatanna, inyunay-unay dagiti maseknan nga ahensia a makitinnulong ti publiko nangruna kadagiti barangay nga asideg iti lagoon para iti nadalus ken naurnos a siudad tapno saan a mapasaran ti panaglayos.
Apaman nga adda dagiti emerhensia, mabalin a dagos a tumawag iti 911 wennno iti numero a naipablaak iti social media account dagiti maseknan nga opisina.
EMERGENCY HOTLINE:
911 or via the Baguio in My Pocket App
CDRRMO HOTLINES
(074) 442-1900, (074) 442-1905, (074) 661-1455
Globe: 09276280498
Smart: 09996784335
Maipalagip nga itay laeng nabiit, dagos a timpaw dagiti lugan ken basura iti City Camp lagoon sumagmamano laeng a minutos iti panagtudo daytoy.
