Agtultuloy latta ti monitoring dagiti otoridad idiay Lower Rock Quarry iti Camp Lagoon kagiddan ti mapaspasaran a bagyo.
Iti pannakiuman ti Bombo Radyo kenni Silvino Cominga Jr. , ti barangay captain idiay Barangay Lower Rock Quarry, kinunana nga adda met a nasayaat ti kasasaad ti camp lagoon agsipud ta nakamonitor dagitoy para iti dagus a pannakadalus dagiti basura a naipullat kadagiti kanal sadiay.
Sigun kenkuana, nangrugi dagitoy a nagmonitor idi kalman, no sadino nagawid laeng dagitoy iti oras ti alas dose iti parbangon ngem no pumigsa pay ti tudo ket kapilitan nga agpatnag nga agmonitor dagitoy.
Pinagyamananna met kadagiti umili sadiay agsipud ta makikoordinar met dagitoy babaen iti panagdalus.
Kidkiddawenna met kadagiti umili a liklikan ti panangibasura kadagiti aglawlaw partikular iti lagoon tapno maliklikan ti panaglayos partikular no adda ti bagyo kas iti agdama a kasasaad a panawen iti siudad.
