Impakaaamo ti Benguet Electric Cooperative, Inc. (BENECO) a mabalin a ngumato ti electricity bills dagiti consumers dagitoy ita a bulan iti agarup P0.60 tunggal kilowatt-hour.
Iti pablaak ti Baguio City Public Information Office, inwaragawag daytoy ni BENECO General Manager Melchor Licoben iti regular session ti Baguio City Council idi napalabas a lawas.
Sigun kenni Licoben, ti panagngato ti electricity bill ken intunda iti ngimmato metlaeng nga electricity prices iti Wholesale Electricity Spot Market (WESM) gapu iti agtultuloy a tensyon idiay Middle East.
Sigun iti patta-patta ti opisina, posible nga agsubli daytoy iti normal inton Setyemre.
Inlawlawag met ni Licoben a ti panagngato ti electricity bill idi napalabas a bulan ket gaput iti nangato a generation costs no sadino apektado daytoy iti mannarimaan a gulo idiay Middle East.
Nupay kasta, inwaragawag ni Licoben a mapabaro ti kontrata iti nagbaetan ti BENECO ken Masinloc Power Co. Ltd. (MPCL) inton Hulyo 26 no sadino impettengna a makatulong daytoy iti BENECO ken iti consumers na. //kcs//
