Madandanagan ti Department of Health (DOH) iti panagngato ti kaso ti early pregnancy kadagiti ubbing nga agtawen iti kinse pababa.
Sigun kenni Department of Health Secretary Ted Herbosa, ti childhood pregnancy iti pagilian ket “very high incidence.”
Maibasar iti datos ti Philippine Statistics Authority idi tawen 2022, 59 nga ubbing ti masiksikogan tunggal 100-K a populasyon.
Innayon ni Herbosa a dagiti teenage pregnancy a mapaspamasak ket maikonsidera nga unplanned pregnancy nangruna kadagiti agtawen iti sangapulo agingga sangapulo ket innem.
Maysa met a makitkita a rason iti panagngato iti childhood pregnancy ket gapu iti panagaramat dagiti ubbing iti internet.
Kabayatanna, kiddaw ti Commission on Population and Development (CPD) ti panakaipasa ti Adolescent Pregnancy Prevention Act a mangsolbar iti pakaseknan iti nasapa a panagsikog dagiti ubbing.
