Naobserbaran ti panagngato ti volcanic activity iti Mayon Volcano ita a Sabado, Mayo 02, 2026.
Nangitunda daytoy iti panagwaras ti dapo kadagiti sumagmamano a lugar iti probinsia ti Albay.
Sigun iti Philippine Institute of Volcanology and Seismology (PHIVOLCS), naobserbaran ti panagayos ti lava iti nasao a bulkan iti 5:38 p.m.
Innayon ti nasao nga ahensiya maap-apektaran iti ashfall dagiti sumagmagmano a lugar iti Camalig ken Guinobatan sadiay Albay.
Mainaig iti dayta, uppat a kilometro ti pattapatta a pyroclastic density current (PDC) run-out.
Kabayatanna, manarimaan ti panagwanawan ti Philippine Red Cross iti kasasaad babaen iti koordinasyonda kadagiti lokal nga otoridad ken response agencies
Kidkiddawen met ti nasao nga organisasyon kadagiti residente, partilukar dagiti apektado a komunidad nga agtalinaedda nga alerto ken maibalbalakad a liklikanda ti panagserrek kadagiti nabigbig a danger zones.
Iti agdama, agtaltalinaed iti Alert Level 3 wenno relatively high unrest ti Mayon Volcano.//
