BAGUIO CITY – Maiyaw-awis ti panagnumar dagiti nagannak nga addaan ti maladaga iti breast milk manipod iti Human Milk Bank a masarakan iti Baguio General Hospital and Medical Center (BGHMC).
Sigun kenni Nurse Loraine Ramos, Breastfeeding Committee Coordinator ti BGHMC, agtultuloy latta ti panangited serbisyo ti nasao a milk bank kadagiti agkasapulan a pamilya.
Kinunana nga adda dagiti kagawaan ken proseso a masursurot tapnu maipasigurado ti kinatalged ti gatas a maipaay iti maladaga.
Pinagyamananna met dagiti breastfeeding mothers a mangidondonar ti gatas dagitoy iti milk bank gaputa dakkel a tulong daytoy kadagiti maladaga ken first-time mothers a saan a makapasuso kadagiti annak dagitoy.