Guygoyugoyen iti City Health Services Office (CHSO) dagiti nagannak ken guardian nga ipabakuna kontra iti tigdas ken rubella dagiti ubbing nga agtawen iti 6 agingga iti 59 a bulan kas panagsagana iti supplemental immunization campaign a maisayangkat manipod inton Agosto 3 agingga 28.
Sigun kenni City Health Officer Dr. Celia Flor Brillantes, makatulong ti maysa a dose iti bakuna tapno masalakniban dagiti ubbing kontra iti nakaro a komplikasyon iti tigdas, karaman iti pulmonya ken posible a pannakabulsek.
Puntiria iti siudad a mabakunaan ti 25,335 nga ubbing.
Guygoyugoyen metlaeng iti nasao nga opisina dagiti nagannak nga iturong dagiti annakda iti kaasitgan a district health center wenno barangay vaccination site.
Libre metlaeng ti dadduma pay a bakuna kadagiti health center, karaman ti influenza ken pneumonia vaccines para kadagiti senior citizen ken dadduma pay a routine immunization.