Kiniddaw ti panel of prosecutors iti Senate Impeachment Court a maipresenta kas testigo da Office of the Vice President chief of staff Zuleika Lopez ken National Bureau of Investigation (NBI) Director Melvin Matibag iti impeachment trial ni VP Sara Duterte.
Malaksid iti dayta, kiniddaw metlaeng ti prosekusyon ti pannakaipaulog ti subpoena ken testificandu a mangibilin kada Lopez ken Matibag nga agparang ken agtestigo iti impeachment court intun Hulio 13 agingga 15.
Sigun iti prosekusyon, ti testimonya dagiti dua nga opisyapl ket “material”, relevant ken kasapulan tapno ma-establish ti alegasion iti sidong ti Article IV ti articles of Impeachment kontra iti bise presidente.
Ti Article IV ti articles of Impeachment ket nakapokus iti maatap a pangta ti bise presidente kontra kenni President Ferdinand Marcos Jr., First Lady Lize Araneta-Marcos ken sigud a House Speacker Martin Romualdez.
Maipalagip, naibilin a maibalud ni Lopez kalpasan a na-cite in contempt ti House of Representatives gapu iti maatap nga “undue interference” wenno saan nga otorisado a pannakibiangna iti imbestigasion ti panel iti confidential funds ti opisina nga iggem ni VP Duterte.
