BAGUIO CITY – Maguyguyugoy ti panagparehistro dagiti umili ti rehiyon Cordillera a saan pay a miembro ti PhilHealth.
Sigun kenni PhilHealth-Cordillera Public Relations Officer III Magnolia Del Rosario, amin nga umili ti pagilian ket miembro ti PhilHealth kalpasan a naipasa ti Universal Health Care Act ngem kasapulan latta ti panagparehistro ti tunggal umili.
Kinunana a naobserbaran ti panagngato ti bilang dagiti nagrehistro iti PhilHealth ita a pandemya.
Maibasar iti datus ti ahensia, 95% iti popolasyon ti nagduduma a probinsia ti rehion ti nagrehistro iti PhilHealth bayat a dumanon iti 100% ti nag-enroll iti siudad ti Baguio.
Inlawlawagna nga adda ti dua a kategorya para iti membership iti PhilHealth, ti direct ken indirect membership.
Innayonna nga immado ita ti nag-enroll para iti direct membership ken napintas ita ti turn-out ti panag-enroll dagiti umili iti rehiyon.
Inyunay -unay pay ni Del Rosario ti kinapateg ti panag-enroll dagiti umili iti PhilHealth nangruna ita a pandemya gaputa matulungan dagitoy iti babayadanda no dagitoy ket naadmitar iti pagagasan. (
