Maob-obserbaran ti panagraira ti political dynasty iti pagilian a Pilipinas iti agdama.
Sigun iti maysa a political analyst, nupay maiparit ti aggigiddan a panagtaray dagiti agkakabagyan iti pulitika kas maibasar iti agdama a konstitusyon ti pagilian, nabayagen a maar-araamid daytoy kas makita kongreso.
Nalukatan dayta a pakaseknan kasaruno ti panangipakaammo dagiti Duterte a sumagmamano a miembro ti pamilya dagitoy ket tumaray iti kinasenador iti 2025 national and local elections.
Malaksid kadagiti Duterte, immuna metten a natugaw iti senado dagiti agkabsat a Jinggoy Estrada ken JV Ejercito; da Pia Cayetano ken Alan Peter Cayetano; ni Cynthia Villar ken ti anak daytoy a ni Mark Villar; kasta met dagiti pamilya ti Tulfo.
Gapu iti dayta, kinuna ti political analyst a posible nga agbalin a saan a napintas ti parang daytoy kadagiti botante ken mabalin a maaddaan dagitoy ti dudua iti panagbotosda kadagiti tumaray manipod iti maymaysa a pamilya.
