BAGUIO CITY – Agtultuloy ti panagregget ti Social Welfare and Development Office tapno matubngar ti kaso ti Violence against Women ken Gender-based violence iti Baguio City.
Iti interview ti Bombo Radyo kenni Social Welfare Officer II Jacqielyn Tupong, focal person women program iti CSWDO, saan a mailibak a mapaspasak ti kaso ti Violence against Women ken Gender-based violence gapu ta mailbilbilang a highly-urbanized ti siudad.
Maibasar iti datus ti opisina, 244 a kaso ti nairekordda idi napan a tawen nu sadino tallo pulo ket maysa ti napilaan ken 213 ti saan a napilaan ti kaso.
Iti umun a kwarter ita a tawen, nakairekord ti opisina ti lima pulo ket lima (55) nu sadino pito (7) ti napilaan ti kaso bayat nga upaat a pulo ket walo (48) ti saan a napilaan.
Gapu iti dayta, ar-aramiden ti maseknan nga opisina ken dagiti partner officesda ti kabaelanda tapno mabantayan ken saan a ngumato pay ti kaso ti panag-abuso kasta met a mabantayan ken maiwanawanda dagiti biktima.//Bombo Jez Lapizar
