BAGUIO CITY – Agpalpalagip manen ti Department of Health-Cordillera iti panagridam ti publiko kontra virus nangruna iti panagsangbay iti eleksyon.
Sigun ken Dra. Amelita Pangilinan, Assistant Regional Director ti DOH CAR, adda ti panagamakda a posible a ngumato manen iti kaso ti Covid-19 kalpasan ti eleksyon.
Nupay kasta, inyunay-unayna a nasken nga agridam iti publiko babaen iti panangsurot kadagiti minimum public health standard.
Malaksid iti dayta, imbalakadna iti kanayon a panagaramat iti facemask kasta metten iti social distancing kabayatan iti panagbotos iti umay nga National ken Local Election.
Guyguyuguyenna pay ti publiko nangruna kadagiti saan pay a nabakunaan tapnu agpabakunada.
Mainaig iti daytoy, impasigurado met iti COMELEC a nainget iti maipatungpal a pagalagadan kagiddan iti nasao nga eleksyon tapnu maisigurado iti kinatalged ti publiko.
