BAGUIO CITY – Agbalballaag ti Professional Regulation Commission (PRC) Cordillera iti publiko kontra kadagiti peke a professionals a mangipatpatungpal iti nadumaduma a transaksion.
Maibasar iti datos ti PRC, dumanon iti 21 dagiti nailistada a convicted professionals manipod 2021 agingga iti April 2022 bayat a 17 dagiti naipilaan iti criminal cases a manarimaan a matingtingiting iti korte.
Kabayatanna, inlawlawag ni PRC-CAR Regional Dir. Juanita Domogen a mabalin a kitaen ti publiko iti authenticity ti lisensya dagiti professionals a makatransact dagitoy babaen iti websiteda a prc.gov.ph
Kagiddan iti dayta, kinunana nga agtultuloy latta ti panangipatungpalda iti mobile outreach program (MOP) iti Cordillera nu sadino agturturongda kadagiti munisipyo iti tunggal probinsia tapnu maiyasideg ti serbisioda kadagiti umili.
Innayunna a malag-anan dagiti klienteda gapu ta saanda a masapol nga agturong pay iti opisinada tapnu mangiproseso kadagiti kasapulanda a dokumento nangruna ta ada paylaeng dagiti restrictions gapu iti covid-19 babaen iti nasao a programa.
