Agtultuloy ti panagsagana iti Commission on Elections-Cordillera para iti umadanin a 2025 Midterm Elections.
Iti panakiuman iti Bombo Radyo kenni Atty. Julius Torres, regional director iti Commission on Elections-Cordillera, namnamaenda a maideliver dagiti maaramat a makina kadagiti uppat a regional hubs iti Cordillera inton April 15.
Ti hub para iti Benguet ken Mt. Province ket iti Baguio City, iti Apayao ken Kalinga ket iti Tabuk City, ti Ifugao ket idiay Solano, Nueva Vizcaya, bayat a ti Abra ket idiay Sta. Maria,Ilocos Sur.
Sigun kenni Atty. Torres, maysa kadagiti makitkitada a karit iti panakaideliver dagiti maaramat a makina ket ti disso dagiti daduma a pagbotosan nangruna dagiti adayo ken kasapulan a pagnaen.
Nupay kasta, mangnamnama daytoy nga addan ti nabukel dagiti maseknan nga opisyales a plano wenno remedyo para iti panakaideliver dagiti makina iti umno a panawen sakbay ti aldaw iti eleksyon.//Bombo Rob Dominguez
