Impasigurado ti Department of Social Welfare and Development (DSWD) babaen kenni Secretary Rex Gatchalian a nakasaganan ti ahensya para iti posible nga epekto ti El Niño iti pagilian.
Daytoy ket kalpasan nga impakaammo ti state weather bureau nga adda ti 79% a tyansa a mapasaran ti pagilian ti El Niño iti bulan ti Hunyo agingga Agosto iti agdama a tawen.
Sigun kenni Gatchalian, adda ti pakabuklan a 4.7 milyon a national stockpile ti Family Food Packs (FFP) ti nasao nga ahensya a mabalin a maiwaras iti tiempo ti El Niño ken dadduma pay a kalamidad a posible a mapasaran iti pagilian.
Sigun kenkuana, daytoy ti kadakelan a nailista ti ahensya nga stockpile.
Impasigurado pay ni Secretary Gatchalian a saan nga ururayen ti ahensiya a mapasaran ti anyaman a kalamidad sakbay nga agaksyon dagitoy isu’t gapunna nga innaldaw dagitoy nga agsagsagana. //bombokaren.c.s