Agtultuloy ti panagsagana ti House prosecution panel para iti impeachment trial ni Vice President Sara Duterte iti baet ti impetteng ni President Ferdinand “Bongbong” Marcos Jr., a nakasagana daytoy a makikappia iti pamilya Duterte.
Impetteng daytoy ni San Juan Rep. Ysabel Maria Zamora, maysa kadagiti miembro ti House prosecution panel, kalpasan a nagdanag dagiti dadduma a possible a makaapektar ti pannakikappia ni President Marcos Jr., iti nasao nga impeachment trial.
Kinunana nga ituloyda ti panagsagana dagitoy ken saanen a mabaliwan dagiti plano-da.
Impettengna pay nga agarup 200 a congressmen ti nagpirma para iti nasao nga impeachment rason a maituloy latta daytoy.