BAGUIO CITY – Agsagsaganan ti lokal a gobyerno ti La Trinidad, Benguet para iti panakaipatungpal ti Strawberry Festival ita a tawen.
Sigun kenni Mayor Romeo Salda, ita pay laeng ket narugianen ti pannakaplano dagiti aktibidad a paset ti Strawberry Festival a manamnama a mailukat inton Marso.
Al-allukuyenna met dagiti bakers nga agaramid latta dagitoy iti cake tapno adda ti maiparang iti strawberry lane ti pestibidad gapu ta awan ti maaramid a Giant Strawberry ita a tawen.
Nupay kasta, kinuna ni Municipal Tourism Officer Valred Olsim a maituloy ken mapasayaat dagiti siguden a paset ti aktibidad.
Kinunana a karaman iti daytoy ti parada, cultural presentation ken dagiti kompetisyon iti sports, sala ken musika.
Nailatangan iti nasurok P2.5 million a pondo ti nagduduma nga aktibidad ti Strawberry Festival 2018.
