Atok, Benguet- Agtultuloy latta ti panagsangbay dagiti turista idiay Atok, Benguet.
Iti interview ti Bombo Radyo kenni Atok Mayor Franklin Smith, kinunana a saan latta nga agsarsardeng ti panagbisita dagiti turista iti munisipyu ti Atok nangruna idi napalabas a “long weekend.”
Sigun iti mayor, immadu ti nagbisita sadiay nangruna idi naamuan dagiti turista a nagsabong ti “cherry blossom” ti sakura iti Northern Blossom.
Kinuna ni Mayor a kadawyan gamin nga aguk-ukrad ti nasao a sabong iti panawen a panagtutudo, nangruna ta dagiti dadduma a sabong ket nagtaud pay idia Holan ken Japan.
Kabayatanna, pinalagipanna iti publiko nangruna dagiti agturong idiay Atok nga agganad iti panagbiahe ken suruten ti “road courtesy” tapno natalged iti panagturong iti destinasion.
