BAGUIO CITY – Tinagiragsak ni Kapangan Mayor Manny Fermin ti agtultuloy a panagturong dagiti adu a turista ken umili iti sadiay Amburayan River tapnu aglanggoy.
Sigun kenkuana, iti napalabas a holiday season ket ado dagiti nagturturong sadiay tapnu agaliwaksay ken aglangoy kas maibasar iti report dagiti barangay officials ti Barangay Cuba.
Kinunana a sakbay ti Christmas agingga New Year ket agsasaruno a grupo dagiti turista ken umili ti simmarungkar iti nasao a tourist spot.
Innayonna nga awan ti nagbalin a parikot sadiay ngem irtenganda pay ti panagbantayda iti karayan tapnu maliklikan dagiti insidente ti panakalmes.
Agtultuloy met laeng ti panangpalpalagipda kadagiti bisita sadiay a kasapulan a saanda nga ibati ti basurada iti karayan gaputa umdas net dagiti pagbasuraan a naimuntar iti sadiay.
